အမေရဲ့ မေတ္တာရိပ်နှင့်လွဲခဲ့ရတဲ့ အိမ်ဝေးသူဘ၀မို့ အမေမေတ္တာကိုတမ်းတ
အမေ့ကိုလွမ်းရလွန်းလို့ နှလုံးသားရဲ့ ”ပဲ့ကြွေသံ ”ကို အမေကြားသိခဲ့ရင်
ဘယ်လိုနေရှာမလဲ။ နုနယ်သေးတဲ့အတွေး ၊ မရင့်ကျက်သေးတဲ့ အသိတရား ၊
မတည်ငြိမ်သေးတဲ့နှလုံးသားနဲ့ အဆုံးအစမဲ့တဲ့လောကရဲ့လမ်း လျှောက်လှမ်းရတာ
မောပန်းလို့ နွမ်းလျပါပြီ။ ဒဏ်ရာများနဲ့ ရင်မှာမွန်းကျပ်
အိပ်မရတဲ့ညများစွာထဲ လပြည့်ဝန်းအမေ့မျက်နှာ ပြန်မြင်ယောင်ရင်း အမေ့ပုခက်လွဲ
သီချင်းတွေပြန်တမ်းတ အမေ့ရဲ့ အိပ်ယာဝင် ပုံပြင်ဟောင်းတွေ
လွမ်းတတ်ခဲ့ပြီအမေ။
မျှော်လင့်ခြင်းများနဲ့ တမ်းတခဲ့တဲ့
အိပ်မက်တွေမက် ၊ ယုံကြည်ချက်လမ်းမထက်မှာ ယောင်လည်လည်နဲ့
ရက်စက်တဲ့နေ့ရက်များအလယ် ၊ တိုင်တည်စရာကင်းမဲ့လို့ အားငယ်ခြင်းတွေရောထွေး ၊
အမေ့ရဲ့ မေတ္တာရိပ်နှင့်ဝေးခဲ့ရမှ အရာရာကိုနားလည် ၊ တကယ်ဆို အမေရယ်
အေးမြတဲ့အမေ့အရိပ် ၊ ငြိမ်းချမ်းတဲ့အမေ့ရဲ့ ရင်ခွင်လို ဘယ်အရာမှ
နွေးထွေးလုံခြုံမှုမရှိပါလားဆိုတာ သိလိုက်ရတဲ့အချိန်မှာ အဝေးရောက်နောင်တ
နှလုံးသားတို့ “ပဲ့ကြွေ”နေပါပြီအမေ။
No comments :
Post a Comment