အချစ်သည် ဆန်းကြယ်၏

အချစ်သည် ဆန်းကြယ်၏ အချစ်သည် ဆန်းကြယ်၏။ ဆန်းကြယ်သလောက် ချစ်ဖို့ကောင်း၏။ ထို့ကြောင့် အချစ်ကိုတွေ့ဖို့ အချစ်တွေ လိုက်ရှာနေကြ၏။ ........ ရုပ်အဆင်းလှ ဂုဏ်အဆင့်မြင့်လှသည့် ရွှေမင်းသမီးလေးသည် ရုပ်ဆိုး သဘောဆိုး မျက်နှာပုပ်သိုးနေသော ပေါင်တိုယောက်ျားတစ်ယောက်ကို ချစ်ကြိုက်ခဲ့ဖူးလေပြီ။ ဥစ္စာပေါ ရုပ်ချော သူဌေးသမီးလေးသည် လုယက် ခိုးဝှက် တိုက်ခိုက်ခဲ့သော အဖမ်းဆီးခံခိုးသူယောက်ျားတစ်ယောက်ကို မြင်မြင်ချင်း ချစ်မိသည့်အတွက် အသပြာများစွာပေးကာ သူသတ်တို့၏ လက်မှ ကယ်တင်ခဲ့ဖူးလေပြီ။ အသက်ကြီး စိပ်ပုတီးလွယ်ချိန်ရောက်နေသည့် ဓါတုကလျာ မင်းသမီးကြီးသည် သူမအသက်အောက် ထက်ဝက်ခန့်ငယ်သည့် ရတုစာဆို နတ်သျှင်နောင်မင်းသားလေးကို ချစ်မြတ်နိုးခဲ့ဖူးလေပြီ။ ရိုးရိုးသားသား ယဉ်ယဉ်ကျေးကျေး ၀ဏ္ဏပဘာလေးသည် သာသနာ့ဘောင်မှာ ထွန်းတောက်နေသည့် ရှင်မဟာရဋ္ဌသာရကို ချစ်ခင်စုံမက်ခဲ့ဖူးလေပြီ။ ထက်မြက် သွက်လက် လှပ သဘောကောင်း ပစ္စည်းရှိ ပညာတတ် မိန်းခလေးတစ်ယောက်သည် ဘာမှမဟုတ်သော ကျွန်ုပ်ကို ချစ်ကြိုက်နေလေပြီ ဘာမှ မဟုတ်သည့် ကျွန်ုပ်ကလည်း အကုန်လုံး ဟုတ်နေသည့် သူမကို ချစ်ကြိုက် မြတ်နိုး တွယ်တာမိနေလေပြီ။ အော်... အချစ်မှာ အပြစ်မရှိပါတကား။ ။ ...... အချစ်သည် ဆန်းကြယ်၏။ ဆန်းကြယ်သလောက် ချစ်ဖို့ကောင်း၏။ ထို့ကြောင့် အချစ်ကိုတွေ့ဖို့ အချစ်တွေ လိုက်ရှာနေကြ၏။ ကျွန်ုပ် အချစ်လိုက်ရှာရင်း အချစ်ကိုတွေ့ပြီ။